நோக்கியா முதல் சாம்சங் வரை அனைத்து மொபைல்களின் Unlock code -ம் காட்டும் பயனுள்ள இலவச மென்பொருள்.

சில நேரங்களில் நம் மொபைல் போன் Unlock என்ற செய்தியை காட்டும்

பல முயற்சி  செய்தும்  Unlock எடுக்க முடியாமல் அருகில்

இருக்கும் மொபைல் சர்வீஸ் சென்டருக்கு கொண்டு  சென்று சரிசெய்து

வருவோம். இனி இந்தப்பிரச்சினைக்கு எளிதான தீர்வை கொடுக்க

ஒரு இலவச மென்பொருள் உள்ளது. Nokia mobile phone முதல்

Samsung வரை அனைத்து மொபைல்போன்களின் Unlock Code -ம்

Calculate செய்து நொடியில் நமக்கு கொடுக்க இந்த மென்பொருள்

உதவுகிறது இதைப்பற்றித்தான் இந்தப்பதிவு.

படம் 1

சில வகை மொபைல்கள் Unlock ஆகிவிட்டால் Unlock எடுப்பதற்கு

கண்டிப்பாக சர்வீஸ் சென்டர் போய் தான் ஆக வேண்டும் என்ற

கட்டாயம் இன்றும் இருக்கிறது எதற்காக என்றால் சாதாரன code

மட்டும் கொடுக்க வேண்டும் என்றால் எளிதாக Unlock செய்யலாம்

ஆனால் IMEI எண் கொடுக்க வேண்டும், சிலருக்கு IMEI எப்படி

நம் அலைபேசியில் கண்டுபிடிக்க வேண்டும் என்று தெரியாது,

இந்த IMEI எண் வைத்துக்கொண்டு மட்டும் Unlock செய்து

விட முடியாது, Unlock செய்ய நமக்கு உதவுவதற்காக ஒரு

மென்பொருள் உள்ளது.

தறவிரக்க முகவரி : Download

இந்த இலவச மென்பொருளை தரவிரக்கி நம் கணினியில்

நிறுவிக்கொள்ளவும். அடுத்து இந்த மென்பொருளை இயக்கி

நமக்கு எந்த மொபைல் Unlcok செய்ய வேண்டுமோ அதன்

நிறுவனத்தையும் மாடல்-ஐயும் தேர்ந்தெடுக்கொள்ள வேண்டும்,

அடுத்து IMEI எப்படி கண்டுபிடிக்க வேண்டும் என்றால் என்று

நம் மொபைலில்  *#06#  என்று கொடுத்ததும் நம் IMEI

எண் காட்டப்படும் இதை அப்படியே மென்பொருளில் IMEI

என்று கேட்கப்படும் கட்டத்திற்குள் கொடுத்து விட்டு Calculate

என்ற பொத்தானை சொடுக்கினால் எப்படி இந்த மொபைலை

Unlock செய்ய வேண்டும் என்ற தகவல் நமக்கு கிடைக்கும்

இதன்படி எளிதாக நம் மொபைலை Unlock செய்யலாம்.

மொபைல் வைத்திருக்கும் அனைவரும் தெரிந்து வைத்துக்

கொள்ள வேண்டிய மென்பொருள். கண்டிப்பாக இந்தப்பதிவு

அனைவருக்கும் பயனுள்ளதாக இருக்கும். தற்போது புதிதாக

வந்திருக்கும் மொபைல் போனுக்கான Unlock code இந்த

மென்பொருளில் இல்லை என்பதையும் தெரிவித்துக்கொள்கிறோம்

Read More

File System என்றால் என்ன?

பைல் சிஸ்டம் எனப்படுவது ஹாட் டிஸ்கில் புதியப்படும் பைல்களை இயங்கு தளம் கையாளும் ஒரு வழி முறையாகும். பல்லாயிரம் பைல்கள் உங்கள் கணனியில் இருக்கலாம் எனினும் அவற்றை ஒழுங்காகப் பேணவும் நிர்வகிக்கவும் ஒரு வழி முறை இல்லையெனின் கணனி நத்தை வேகத்திலேயே இயங்கும்.

உதாரணமாக ஒரு அலுவலகத்தில் உள்ள ஆவணங்களை முறைப்படி ஒழுங்காக வைக்காமல் ஒவ்வோரிடத்தில் சிதறிக் கிடந்தால் தேவையான நேரத்தில் ஒரு பைலைத் தேடிப் பெற எவ்வளவு நேரத்தைச் செலவிட வேண்டியிருக்கும்? முறையான ஒரு பைல் சிஸ்டம் இல்லையாயின் இது போன்ற ஒரு நிலையையே கணனியும் எதிர்கொள்ளும்.

வீடுகளிலோ அலுவலகத்திலோ பலரும் பல விதமான முறைகளில் பொருட்களை ஒழுங்குபடுத்துவது போல கணனியிலும் பைல்களை ஒழுங்கு படுத்துவதில் FAT 16, FAT 32, NTFS எனப் பல வழி முறைகள் உள்ளன. இவை ஒவ்வொன்றும் தமக்கேயுரிய சிறப்பியல்புகளைக் கொண்டுள்ளதுடன் அவற்றிற்கிடையே சில பொதுவான பண்புகளும் உள்ளன.

* ஹாட் டிஸ்கில் உள்ள வெற்றிடத்தில் டேட்டாவை சேமிப்பதில் காட்டும் திறன்.

* ஹாட் டிஸ்கில் உள்ள பைல்கள் அனைத்தையும் பட்டியலிடுதல் மூலம் அவற்றை விரைவாக மீட்டுக் கொள்ளும் திறன்.

* பைல்களை அழித்தல், பெயரிடுதல், பிரதி செய்தல், இடம்மாற்றுதல் போன்ற பைல் சார்ந்த அடிப்படை விடயங்களை மேற்கொள்ளுதல் என்பன பொதுவான பண்புகளாகும்.

இந்த அடிப்படை விடயங்களுடன் சில பைல் சிஸ்டம், பைல்களைச் சுருக்குதல் (Compression) குறியீட்டு முறைக்கு மாற்றுதல் (encryption), கடவுச் சொல் (Pass word) மூலம் பாதுகாப்பளித்தல் போன்ற கூடுதல் வசதிகளையும்  கொண்டிருக்கும்.

FAT16 (File Allocation Table) என்றால் என்ன? எம். எஸ். டொஸ் இயங்கு தளத்துடன் அறிமுகப்படுத்தப்பட்ட இந்த பைல் சிஸ்டம் அதிக பட்சம் 2GB கொள்ளளவு கொண்ட ஹாட் டிஸ்கிற்கே பொருந்தும். ஹாட் டிஸ்கில் டேட்டா மெல்லீய பொது மையம் கொண்ட ட்ரேக்ஸ் (Tracks) எனும் பாதையிலேயே பதியப்படுகின்றன.

ஒவ்வொரு டரேக்கும் செக்டர்ஸ் (Sectors) எனும் பகுதிகளாகப் பிரிக்கப்படுகின்றன. அத்தோடு ஒவ்வொரு ட்ரேக்கும் ஒரே அளவான செக்டர்களாகக் கொண்டிருக்கும். டிஸ்கில் உள்ள டேட்டாவை பதியும் மிகவும் சிறிய பகுதியே செக்டர் ஆகும். ஒரு செக்டரின் அளவு 512 பைட்டுகளாகும். ஹாட் டிஸ்கை போமட் செய்யும் போதே இவ்வாறு பிரிக்கப்படுகின்றன.

இந்த இடத்தில் நான் ஒரு ‘கணக்கு வாத்தியார்,’ வேலை பார்க்க வேண்டியுள்ளது.

ஹாட் டிஸ்கின் மொத்த கொள்வனவு 10 கிலோ பைட் எனின் அந்த ஹாட் டிஸ்க்
20 செக்டாக்களாகப் பிரிக்கப்படும் எனினும் இயங்குதளமானது நேரடியாக ஒவ்வொரு செக்டரையும் அணுகுவதில்லை. மாறாக அது பல செக்டர்களை ஒன்று சேர்த்து க்ளஸ்டர் (Cluster) எனும் ஒரு அணியாக மாற்றி அதனையே அணுகுகின்றது இதனை (Allocation Unit) எனவும் அழைக்கப்படும்.

உதாரணமாக ஒவ்வொரு செக்டரையும் ஒரு பையை கையில் வைத்திருக்கும் ஒரு நபருக்கு ஒப்பிடுங்கள். ஒவ்வொரு பையிலும் 512 பைட் டேட்டாவையே சேமிக்க முடியும்.

ஒவ்வொரு நபரையும் 1, 2, 3 என இலக்கமிடாமல், பைல் சிஸ்டமானது ஒன்றுக்கு மேற்பட்ட நபர்களை ஒன்று சேர்த்து ஒரு அணியாக மாற்றி அவர்களை முதலாவது அணி எனப் பெயரிடுகிறது. மொத்தமாக 400 பேர் இருப்பார்கள் எனின் பைல் சிஸ்டம் அணிக்கு நால்வராக 100 அணிகளாகப் பிரித்துக் கொள்ளும்.

இன்னொரு வகையில் சொல்வதானால் 400 செக்டர்கள் கொண்ட ஒரு ஹாட் டிஸ்கில் (200 கிலோபைட்) அளவாக 4 செக்டர்களை ஒரு க்ளஸ்டர் கொண்டிருப்பின் மொத்தமாக 100 க்ளஸ்டர்கள் காணப்படும்.

பைல் சிஸ்டமானது ஒரு குறித்த செக்டரை அணுக வேண்டுமானால் முதலில் அந்த செக்டர் இடம் பெறும் க்ளஸ்டர் இலக்கத்தையே அணுகும். அந்த க்ளஸ்டருக்குள் செக்டரின் தொடரிலக்கத்தின் மூலம் உரிய செக்டரை அடையும் அதாவது ரிம்ஸி எனும் நபரைக் கண்டு பிடிக்க ரிம்ஸி இடம்பெறும் அணியை முதலில் அணுகி அங்கு ரிம்ஸியைக் கண்டு பிடிப்பதற்கு ஒத்ததாகும்.

FAT16, Fat32 மற்றும் NTFS எனும் மூன்று பைல் சிஸ்டங்களும் இம்முறையிலேயே இயங்குகின்றன. இப்படியானால் இவற்றுக்கிடையே என்ன வேறுபாடுகள் உள்ளன?

முக்கிய வேறுபாடு யாதெனில் ஒவ்வொரு பைல் சிஸ்டமும் ஹாட் டிஸ்கில் எவ்வளவு வெற்றிடத்தைக் கையாளும் திறன் வாய்ந்தது என்பதிலேயே தங்கியுள்ளது. பைல்களைக் கையாளும் திறனில் காணப்படும் பாரிய சிக்கல் யாதெனில் ஹாட் டிஸ்கில் ஒவ்வொரு க்ளஸ்டரும் ஒரு பைலை மட்டுமே சேமிக்கும் அதாவது ஒவ்வொரு அணியும் ஒரு விடயத்தை மாத்திரமே கையாளும்.


FAT16, FA 32 மற்றும் NTFS எனும் மூன்று பைல் சிஸ்டங்களும் ஒரே விதத்திலேயே இயங்குகின்றன. இவற்றுக்கிடையே உள்ள முக்கிய வேறுபாடு யாதெனில் ஒவ்வொரு பைல் சிஸ்டமும் ஹாட் டிஸ்கில் எவ்வளவு வெற்றிடத்தைக் கையாளும் திறன் வாய்ந்தது என்பதாகும்.

பைல்களைக் கையாளும் திறனில் காணப்படும் பாரிய சிக்கல் யாதெனில் ஹாட் டிஸ்கில் ஒவ்வொரு க்ளஸ்டரும் ஒரு பைலை மட்டுமே சேமிக்கும். அதாவது ஒவ்வொரு அணியும் ஒரு விடயத்தை மாத்திரமே கையாளும். கீழே தரப்படும் உதாரணங்களைக் கவனியுங்கள்.

இயங்குதளமானது ஒரு தொகுதி நபர்களை குழுவுக்கு 8 பேர் வீதம் பிரித்துக் கொள்வதாகக் கற்பனை செய்து கொள்ளுங்கள். ஒவ்வொருவர் கையிலும் ஒரு பையும் உள்ளது. இப்போது இயங்கு தளம் பென்சில்கள் கொண்ட ஒரு பெட்டியை முதல் அணியிடம் கொடுத்து அவற்றை பையில் போடச் சொல்கிறது.

முதல் எட்டுப் பேரும் அந்தப் பென்சில்களை பையில் போட்டு விடுகிறார்கள். ஒரு பை நிரம்பியதும் அடுத்த நபருக்கு கைமாறுகிறது. இவ்வாறு 7 பைகளை அந்தப் பென்சில்கள் நிரப்பி விடுகின்றன.

இப்போது இயங்குதளம் அந்த அணியில் மீதமிருக்கும் எட்டாவது நபரின் பையில் போடுமாறு வேறொரு பொருளைக் கையளிக்க முயற்சிக்கிறது. எனினும் அந்த அணியானது ஏற்கனவே தம்மிடம் பென்சில்கள் தரப்பட்டுள்ளதாகவும் இந்தப் பொருளை ஏற்க முடியாது எனவும் மறுக்கிறது. பதிலுக்கு இயங்கு தளம் ஹாட் டிஸ்கில் (1/8 = 0.125) 12 வீதத்தை விரயம் செய்வதாகச் சொல்கிறது.

எனினும் பைல் சிஸ்டம் தம்மால் அதனைத் தவிர்க்க முடியாது எனச் சொல்லி விடுகிறது.

அடுத்து இயங்கு தளம் 8 பேர் கொண்ட வேறொரு அணியிடம் ஒரே ஒரு பென்சிலை மாத்திரம் கொடுத்து அதனைப் பையில் போடச் சொல்கிறது. அதனை வாங்கிக் கொண்ட அந்த அணி வேறு எதனையும் வாங்கிக் கொள்ள மறுக்கிறது.

இப்போது இயங்கு தளம் 100 வீதமான வெற்றிடம் அங்கு விரயம் செய்யப்படுவதாகச் சொல்கிறது.

எனினும் பைல் சிஸ்டம் தன்னால் எதுவும் செய்ய முடியாது எனச் சொல்லி விடுகிறது.

இந்த உதாரணங்கள் சிறு பிள்ளைத் தனமாக உங்களுக்கு தோன்றலாம். எனினும் இவ்வாறான நிகழ்வே பைல்களைச் சேமிக்கும் போது நடைபெறுகிறது.

க்ளஸ்டரின் எண்ணிக்கை அதிகமாகும் போது விரயமாகும் ஹாட் டிஸ்கின் வெற்றிடமும் அதிகமாகும்.

க்ளஸ்டரின் அளவுக்கேற்ப ஒவ்வொரு பைலையும் மாற்றியமைக்க முடியுமானால் எந்த வித விரயமும் ஏற்படப் போவதில்லை. எனினும் அது சாத்தியமானதல்ல.

ஒவ்வொரு க்ளஸ்டரின் அளவையும் கணனி எவ்வாறு தீர்மானிக்கிறது? இதற்கு மிக எளிதாக விடை காணலாம்.

ஹாட் டிஸ்கின் அளவை எடுத்துக் கொள்ளுங்கள். அதனை மொத்தம் பயன்படுத்தப்பட்டுள்ள க்ளஸ்டர்களின் எண்ணிக்கையால் வகுக்க வருவது ஒரு க்ளஸ்டரின் அளவாகும். அதாவது க்ளஸ்டரின் அளவு = ஹாட்டிஸ்க் வெற்றிடம்/ க்ளஸ்டர்களின் எண்ணிக்கை.

க்ளஸ்டரின் அளவு அதிகரிக்கும் போது டிஸ்க் விரயமும் அதிகரிப்பதால் அதிக எண்ணிக்கையிலான க்ளஸ்டர்களைக் கையாளக் கூடிய ஒரு பைல் சிஸ்டமே எமக்கு அவசியமாகிறது. இந்த இடத்திலேயே FAT16 மற்றும் FAT32 என்பன வேறுபடுகின்றன. FAT32 அதிக எண்ணிக்கையிலான க்ளஸ்டர்களைக் கையாள வல்லது.

ஏன் அப்படி? எளிமையான விளக்கம் தருவதானால் FAT32 இல் FAT16 விடவும் அதிக அளவில் க்ளஸ்டர்களை இலக்கமிட முடியும்.

ஒவ்வொரு க்ளஸ்டரும் பைல் சிஸ்டம் மூலம் இலக்கமிடப்படுகிறது என்பதை நீங்கள் அறிந்திருக்கலாம். FAT16 ஆனது 16 இலக்கங்கள் கொண்ட (16 பிட்) பைனரி இலக்க முறையை அதற்குப் பயன்படுத்துகிறது. இதன்படி FAT16 மூலம் இலக்கமிடக் கூடிய அதிகூடிய எண் 65535. ஆகவே FAT16 இல் 65535 க்ளஸ்டர்களை இலக்கமிடலாம்.

இதிலிருந்து என்ன தெளிவாகிறதென்றால், ஹாட் டிஸ்கின் அளவு பெரிதாகும் போது க்ளஸ்டரின் எண்ணிக்கை(Number of clusters) அதே அளவு மாறாமலேயிருக்கும். ஆகவே க்ளஸ்டரின் அளவு (cluster size) அதிகரிக்கும்.

எனினும் ஒரு க்ளஸ்டரின் அளவை எல்லையின்றி அதிகரிக்க முடியும் எனக் கருதுவதும் தவறு. ஏனெனில் ஒவ்வொரு க்ளஸ்டரிலும் உள்ள செக்டர்களும் இலக்கமிடப்பட வேண்டியுள்ளது. ஒவ்வொரு செக்டரும் ஒரு தொடரிலக்கத்தைக் கொண்டிருக்கும்.

அது ஒரு பைட்டின் அளவிற்குள் இருக்கும். ஒரு பைட் என்பது 8 பிட்டுக்களைக் கொண்டிருக்கும். அதாவது செக்டர்களைக் குறிக்கப் பயன்படும் இலக்கம் மூலம் 2-7 (இரண்டின் 7 ஆம் அடுக்கு) அல்லது 128 செக்டர்களை இலக்கமிட முடியும் இதிலிருந்து பின்வரும் முடிவைப் பெறலாம். உங்களிடம் 65536 க்ளஸ்டர்கள் இருக்கின்றன. ஒவ்வொரு க்ளஸ்டரும் 128 செக்டர்களைக் கொண்டுள்ளன.

ஒவ்வொரு செக்டரும் 512 பைட்டுகளைக் கொண்டுள்ளன. இதிலிருந்து FAT16 கையாளக் கூடிய ஹாட் டிஸ்க் அளவு 65535 X 128 X 512 = 4 GB,

FAT16 கையாளும் அதி கூடிய ஹாட் டிஸ்க் அளவு 2GB என நான் ஏற்கனவே  கூறியிருக்கிறேன். அப்படியானால் இந்தக் கணக்கு சரிதானா? FAT16 இல ஒவ்வொரு க்ளஸ்டரும் 32 கிலோ பைட்டைக் கொண்டிருக்கும். இங்கு சிக்கல் என்னவென்றால் 128 செக்டர்கள்X512 பைட் தருவது 65536 எனும் இலக்கமாகும்.

இது 16 பிட் இலக்கமொன்றால் கையாளக் கூடிய எண்ணிக்கையை விட ஒன்று அதிகமாகும். எனவே 128ற்குப் பதிலாக 64 செக்டர் கொண்ட க்ளஸ்டராகக் குறைத்துக்கொள்ள வேண்டி ஏற்படுகிறது. அதன்படி க்ளஸ்டரின் அளவு 32 கிலோ பைட்டாக மாறுகிறது. 32 கிலோ பைட் X65535 தருவது அண்ணளவாக 2 GB எனும் பெறுமானமாகும்.

Read More

டி.வி.யில் இணையதள வீடியோ பார்க்க கூகுளின் புதிய கருவி

தொலைக்காட்சிப் பெட்டிகளில் இணையதள வீடியோக்களைப் பார்க்கும் வசதியை வழங்கும் ‌புதிய கருவியை கூகுள் நிறுவனம் அறிமுகப்படுத்தியுள்ளது.
கூகுள் க்ரோம்கேஸ்ட் (ChromeCast) என்று பெயரிடப்பட்டுள்ள ...இந்தக் கருவியின் மூலம் ஸ்மார்ட்போன்கள், டேப்லெட்கள், லேப்டாப்கள் போன்றவற்றில் உள்ள வீடியோக்களைக் காண முடியும்.
பென் டிரைவ் வடிவிலான இந்தக் கருவியை டிவியில் உள்ள எச்.டி.எம்.ஐ ( HDMI ) இணைப்பில் பொருத்திக் கொள்ள முடியும்.
வீட்டில் இண்டர்நெட் வைபை (wi-fi) இணைப்பு இருந்தால், நேரடியாக இணையதள விடியோக்களையும் டி.வி.யில் காணலாம்.
இதன் மூலம் ஸ்மார்ட்போன்கள், டேப்லெட்கள் போன்றவற்றை ரிமோட் கண்ட்ரோல் போலப் பயன்படுத்தலாம்.
ஏற்கெனவே சந்தையில் இருக்கும் ஆப்பிள் டி.வி. என்ற கருவிக்கு, கூகுள் க்ரோம்கேஸ்ட் போட்டியாக இருக்கும் என்று கருதப்படுகிறது. தற்போது அமெரிக்காவில் மட்டும் இந்தக் கருவி விற்பனைக்கு வந்திருக்கிறது.
க்ரோம்கேஸ்ட் தவிர, நெக்சஸ் 7 டேப்லெட்டின் புதிய பதிப்பையும் கூகுள் நிறுவனம் வெளியிட்டுள்ளது.

Read More

முக்கிய செய்தி

அநேகமாக நம் எல்லோரது வீட்டிலும் லேப்டாப் இருக்கிறதுஇதனை நாம் ,மனைவி பிள்ளைகள் என எல்லோரும் தினசரி உபயோகப் படுத்துகிறோம் . பல தகவல்களை Google ல் நாம் தேடும் போது யதேச்சையாகவோ அல்லது தவறான ஸ்பெல்லிங் ஏற்படும் போதோ ஆபாசமான தகவல்கள், மற்றும் படங்கள் என வந்து மிகுந்த தர்ம சங்கடத்தை ஏற்படுத்தி விடுகின்றது என்பது உண்மையே , இதனை சீர் செய்ய இந்த பதிவு மிகுந்த உபயோகமாக இருக்கிறது , எனவே முடிந்தவரை பலருக்கும் இதை SHARE செய்யுங்கள் என கேட்டுக் கொள்கிறேன்

ஆபாச தகவல் Google தேடலில் வராமல் Lock செய்வது எப்படி..?

நாம் வீட்டில் இல்லாத போது குழந்தைகள் ஆபாச தளங்கள் பார்க்காமல் இருக்க சிறந்த வசதி google வழங்குகிறது அது எப்படி என்று பார்க்கலாம் .

...முதலில் கூகிள் தளம் சென்று உங்கள் User name, password கொடுத்து Login செய்யுங்கள்.

பிறகு settings தேர்வு செய்து search settings click செய்யுங்கள்.

அல்லது
http://www.google.com/ preferencesஓபன் பண்ணுங்கள்..

Safe serrch Filtering சென்று உங்களுக்கு தேவையானவாறு நிறுவுங்கள் ,

அடுத்து Safe SearchFilteringகீழே உள்ள Lock safe search கிளிக் செய்துகொள்ளுங்கள்.

Locking Process நடைபெறும்
பிறகு Safe search Locked என்று தோன்றும் சரியாக Lock ஆகா விட்டால் மீண்டும் ஒரு முறை சென்று Lock safe search கொடுங்கள்.

அவ்வளவுதான் இனி ஆபாசம் சம்மந்தமான எந்த தகவலும் உங்கள் குழந்தைகளுக்கு Google வழங்காது.

இதன் பிறகு google search பக்கத்தில் நீங்கள் Lock செய்த அடையாளமாக வண்ண பந்துகள் அடையாளமாக தோன்றும் .

நீங்கள் இதனை Unlock செய்ய மீண்டும் Search setting சென்று unlock என்று மாற்றிவிடுங்கள்.

google எவ்வளவு பாதுகாப்பானது பாருங்கள் ....

Setting போய் பாத்துட்டு அட ஆமா இருக்கு'ல ன்னு சும்மா இருக்காம...setting correct'ah பண்ணுங்க...

நண்பர்களிடமும் share பண்ணுங்க...

Read More

விண்டோஸ் 8 : ஷார்ட்கட் கீ தொகுப்புகள்...

விண்டோஸ் 8 தொடுதிரை வசதிகளுடனும், முற்றிலும் புதிய இடைமுகம் எனப்படும் இன்டர்பேஸ் கொண்டும் அமைக்கப்பட்டிருப்பதால், வழக்கமான விண்டோஸ் ஷார்ட் கட் கீகளையே பயன்படுத்திக் கொண்டிருப்பவர்கள், இந்த சிஸ்டத்தில் வழங்கப்பட்டிருக்கும் ஷார்ட்கட் கீ தொகுப்புகள் அனைத்தும் பழக சற்று சிரமப்படுகின்றனர். அவர்களின் வசதிக்காக இந்த தொகுப்பு வழங்கப்படுகிறது.

Win : ஸ்டார்ட் ஸ்கிரீன் மற்றும் இறுதியாகப் பயன்படுத்திய விண்டோஸ் 8 அப்ளிகேஷன் புரோகிராம் ஆகிய இரண்டையும் அடுத்தடுத்து காட்டும்.
Win + C : சார்ம்ஸ் பார் காட்டப்படும். இதில் Settings, Devices, Share and Search options ஆகியவை கிடைக்கும்.
Win + D : டெஸ்க்டாப் கிடைக்கும்.
Win + E : விண்டோஸ் எக்ஸ்புளோரர் கிடைக்கும்.
Win + F : பைல் தேடல் கட்டம் திறக்கப்படும்.
Win + H : Share pane திறக்கப்படும்.
Win + I : Settings காட்டப்படும்.
Win + K : Devices pane திறக்கப்படும்.
Win + L : கம்ப்யூட்டர் லாக் செய்யப்படும்.
Win + M : அப்போதைய எக்ஸ்புளோரர் விண்டோவினைச் சுருக்கும். இன் டர்நெட் எக்ஸ்புளோரர் விண்டோவினைச் சுருக்கி விரிக்கும்.
Win + O : device orientation lock என்பதனை இயக்கும் மற்றும் நிறுத்தி வைக்கும் டாகிள் கீ.
Win + P : உங்கள் கம்ப்யூட்டர் அல்லது புரஜக்டர் டிஸ்பிளேயை இரண்டாவதாக அமைக்கும்
Win + Q : App Search pane திறக்கப்படும்.
Win + R : Run box திறக்கப்படும்.
Win + U : Ease of Access Centre திறக்க.
Win + V : அறிவிப்புகளைச் சுழற்சியில் காட்டும்.
Win + W : சிஸ்டம் செட்டிங்ஸ் தேடும். எடுத்துக்காட்டாக Power என டைப் செய்தால், பவர் செட்டிங்ஸ் சார்ந்த அனைத்து ஆப்ஷன்களும் காட்டப்படும்.
Win + X : விண்டோஸ் டூல்ஸ் மற்றும் ஆப்லெட்கள் கொண்ட டெக்ஸ்ட் மெனு காட்டப்படும்.
Win + Z : ரைட் கிளிக் காண்டெக்ஸ்ட் மெனு, முழுத் திரையில் காட்டப்படும்.
Win + + :மேக்னிபயர் (Magnifier) திறக்கப்பட்டு ஸூம் செய்திட
Win + :ஸூம் செய்ததை ரத்து செய்து பழைய நிலைக்குக் கொண்டு செல்ல.
Win + , : டெஸ்க்டாப்பில் Aero peek
Win + Enter : Narrator இயக்கப்படும்
Win + PgUp : தற்போதைய திரையை மானிட்டரின் இடது புறம் கொண்டு செல்லும்.
Win + PgDn : தற்போதைய திரையை மானிட்டரின் வலது புறம் கொண்டு செல்லும்.
Win + PrtSc : தற்போதைய திரைக் காட்சியை அப்படியே படமாக எடுத்து கடிஞிtதணூஞுண் போல்டரில் சேவ் செய்திடும்.
Win + Tab: இயங்கிக் கொண்டிருக்கும் புரோகிராம்களுக்கு ஒவ்வொன்றாகச் செல்லும். தேவையானது கிடைத்தவுடன், நிறுத்தி, அந்த புரோகிராமின் இயக்கத்தினைத் தொடரலாம்.

Read More

விண்டோஸ் 8 இயங்குதளத்தில் ஆபத்து ஏற்படும்போது நமக்கு உதவும் நண்பன் - Safe Mode!

விண்டோஸ் ஆப்பரேட்டிங் சிஸ்டத்தில் நமக்குப் பிரச்னைகள் ஏற்படும் போதெல்லாம், நமக்கு ஆபத்தில் உதவும் நண்பனாக வருவது சேப் மோட் எனப்படும் பாதுகாப்பான இயக்க முறை ஆகும். இதன் மூலம், சிஸ்டம் இயங்குவதில் ஏற்பட்டுள்ள பிரச்னை, விண்டோஸ் இயக்கத்திலா அல்லது அப்ளிகேஷன் புரோகிராமிலா என்பதை நாம் அறிய முடியும். விண்டோஸ் 8 கொண்டுள்ள பெர்சனல் கம்ப்யூட்டர் அல்லது லேப்டாப் கம்ப்யூட்டரை சேப் மோடில் பூட் செய்வது, முந்தைய சிஸ்டங்களில் மேற்கொண்டதைப் போல அவ்வளவு எளிதானதல்ல. ஆனால், இந்த சிஸ்டத்திலும் சேப் மோடில் பூட் செய்திடலாம். அதற்கான வழிகளை இங்கு பார்க்கலாம்.


உங்களுடைய கம்ப்யூட்டர் சரியாக ஷட் டவுண் ஆகவில்லை என்றாலோ, அல்லது, பூட் ஆக மறுத்தாலோ, சேப் மோட் இயக்கம் தான் உங்களுக்கு உதவும். சேப் மோடில், விண்டோஸ் சில குறிப்பிட்ட பைல்கள் மற்றும் ட்ரைவர்களுடன் இயங்கத் தொடங்கும்.

எந்த புரோகிராமும், சேப் மோடில், தானாக இயங்கத் தொடங்காது. உங்களுடைய கம்ப்யூட்டர் நெட்வொர்க்கில் இணையாது. இதனால், கம்ப்யூட்டரில் வைரஸ் பாதிப்பு ஏற்பட்டிருந்தால், அது நெட்வொர்க்கில் இணைக்கப்பட்டுள்ள கம்ப்யூட்டருக்குப் பரவும் வாய்ப்பு இல்லை. இதனால்,கம்ப்யூட்டர் அல்லது நம் டேட்டாவிற்குப் பாதிப்பு ஏற்படாமல், நம் பெர்சனல் கம்ப்யூட்டரின் பிரச்னயை நாம் அறியும் வாய்ப்பு அதிகமாகிறது.

சேப் மோடில் பூட் செய்வதில், விண்டோஸ் 8 தனி வழியைக் கொண்டுள்ளது. முந்தைய சிஸ்டங்களைப் போல் இதில் எளிதில் சேப் மோடுக்குச் செல்வதில்லை. விண்டோஸ் 8, சிஸ்டம் இயங்கத் தொடங்கு கையில், அதனைக் கண்காணிக்கிறது. பிரச்னைகளைக் கண்டறிந்தால், தானாகவே அது உங்களை Recovery Modeக்கு அழைத்துச் செல்கிறது.

அப்போது உங்களுக்கு Recovery. It looks like Windows didn't load correctly' என்ற எச்சரிக்கை செய்தி காட்டப்படும். இங்கு காட்டப்படும் விண்டோவில் advanced repair options என்பதனைத் தேர்ந்தெடுக்கவும். பின்னர் Troubleshoot, Advanced options, 'Windows Startup Settings', Restart என ஒவ்வொன்றாகச் செல்லவும். அடுத்து உங்களுடைய கம்ப்யூட்டர் 'Advanced Boot Options' என்னும் திரைக்குச் செல்லும். இதில் நீங்கள் Safe modeஐத் தேர்ந்தெடுக்கலாம்.

நீங்கள் விண்டோஸ் 8 சிஸ்டத்தை, நீங்களாகவே சேப் மோடில் இயக்க முடியும். இதற்கு முந்தைய சிஸ்டங்களில் இருந்ததைப் போல, msconfig சென்று அதில் தேர்ந்தெடுக்க வேண்டியதில்லை. தேடல் கட்டம் சென்று, அதில் System Configuration எனக் கொடுக்கவும். இதில் Boot டேப்பினைத் தேர்ந்தெடுக்கவும். இங்கு Safe boot என்ற டேப்பில் சென்றால், பலவகையான சேப் மோட் பூட்டிங் ஆப்ஷன்ஸ் கிடைக்கும். இதிலிருந்து நீங்கள் தேவையான ஆப்ஷனை மேற்கொள்ளலாம்.

இன்னொரு மிக எளிய, விரைவான வழியும் உள்ளது. நீங்கள் விண்டோஸ் 8 லாக் இன் ஸ்கிரீனில் இருந்தால், ரீ ஸ்டார்ட் தேர்ந்தெடுக்கவும். கம்ப்யூட்டர் ரீ ஸ்டார்ட் செய்திடத் தொடங்குகையில், ஷிப்ட் கீயை அழுத்தியவாறு இருக்கவும். உங்களுக்கு பிரச்னையைக் கண்டறியும் troubleshoot பக்கம் கிடைக்கும். இதில் சேப் மோட் செல்லும் ஆப்ஷன் கிடைக்கும். அதனைக் கிளிக் செய்து சேப் மோடுக்குச் செல்லலாம்.

சேப் மோட் சென்ற பின்னர், முந்தைய விண்டோஸ் சிஸ்டங்களில் மேற்கொண்டது போலவே, எங்கு பிரச்னை உள்ளது என ஆய்வு செய்திடலாம்.

Read More

கணினி மற்றும் செல்பேசிகளின் பயன்படுத்தக்கூடிய 2 இன் 1 தம்ப் ட்ரைவ் அறிமுகம்!

இது வரை யூ எஸ் பி தம்ப் டிரைவ் கணனிக்கு மட்டும் தான் பயன்பட்டு வந்தது.

ஸ்மார்ட் ஃபோன் மற்றும் மொபைல் ஃபோனுக்கு எஸ் டி கார்ட் வேனும் இல்லைனா கேபிள் போட்டு அதை கணனியில் டவுன்லோட் செய்ய கஷ்டம் அதை போக்கும் வண்ணம் இந்த ஹைபிரிட் தம்ப் டிரைவ் 2 இன் 1 ஆக செயல்படும்.

ஒரு முனையில் யூ எஸ் பி கணனிக்கும் இன்னொரு பக்கம் மைக்ரோ ஹெச் டி எம் ஐ மூலம் எந்த ஒரு ஸ்மார்ட் ஃபோன் அல்லது ஃபோனில் ஒரு அடாப்டர் மூலம் சொருகி டேட்டா பறிமாற்றம் செய்து கொள்ள முடியும்.

இதன் 8 ஜிபி $18 மற்றும் 16 ஜிபி $25 மட்டுமே. இதன் மூலம் பல வீடியோக்களை டக்குனு ஃபோன்ல ஏற்ற முடியும் அது தான் பெரிய பிரேக்.

Read More

ATM உருவான கதை உங்களுக்கு தெரியுமா?

இயந்திர சாதனம் ஒவ்வொன்றுக்கும் வரலாறு உண்டு. ஏ.ரி.எம். (Automatic Teller Machine) உருவான கதை கூட சுவாரஷ்யமானது. ஸ்கொட்லாந்தைச் சேர்ந்த ஜோன் ஷெப்பர்ட் பேரோன் தன் மனைவிக்குப் பரிசளிக்க விரும்பி பணத்தை எடுக்க வங்கியில் வரிசையில் நின்றார். தனது முறை வந்த போது பணத்தைக் கொடுக்க வேண்டிய காசாளர், நேரம் முடிந்து விட்டது என்று கவுன்டரை பூட்டி விட்டுச் சென்றுவிட்டார்.

ஜோன் வெறுங்கையோடு மனைவியைப் பார்க்க விரும்பவில்லை. கையில் இருந்த சொற்ப சில்லறையை வைத்து, கொஞ்சம் சொக்லேட்களை வாங்கிக் கொடுத்து மனைவியை சமாதானப்படுத்தலாம் என்று நினைத்து சொக்லேட் வெண்டிங் இயந்திரத்தைத் தேடிச் சென்றார். அப்போதைக்கு அவர் மனைவியை சமாதானப்படுத்தினா லும், பூட்டிய வங்கிக் கவுண்டரும், காசு போட்டால் உதிர்ந்த சொக்லேட்களும் அவர் மனதில் மீண்டும் மீண்டும் வந்து போயின. அதன் விளைவுதான் முதல் ஏ.ரி.எம். உருவாக வித்திட்டது.

1969இல் இவர் உருவாக்கிய முதல் ஏ.ரி.எம். வடக்கு லண்டனின் பார்க்லேஸ் வங்கியில் வைக்கப்பட்டது. அதிலும் ஒரு சிக்கல். ஜோனின் மனைவியால் அப்போதைய ஏ.ரி.எம். அட்டைக்கான ஆறு இலக்க குறியீட்டை(Pin Number) ஞாபகம் வைத்துக் கொள்ள முடியவில்லை. உடனே செயலில் இறங்கிய ஜோன், அதை நான்கு இலக்கங்களாகக் குறைத்தார். ஏ.ரி.எம். தற்போது ஏராளமான மாற்றங்களைக் கண்டு விட்டாலும், அதற்கெல்லாம் அடிப்படையாக இருந்தது ஜோனின் காதல்தான்!

Read More